Google ADS

3 viktima dhe 65 raste të reja me COVID-19 në Maqedoni të Veriut

14:49 | 5 Tetor 2022
A. B.

Ministria e Shëndetësisë në Maqedoni të Veriut njofton se gjatë 24 orëve të fundit janë kryer 695 teste dhe janë regjistruar 65 raste të reja me COVID-19.

Nga numri i përgjithshëm i rasteve pozitive (65), janë regjistruar 14 riinfeksione.

Instituti për Shëndet Publik në 24 orët e fundit ka konfirmuar 61 pacientë të shëruar nga coronavirusi.

Gjatë 24 orëve të kaluara është regjistruar një humbje jete nga Kavadari (77 vjeç). Sipas Regjistrit të personave të vdekur me diagnozë COVID-19 nga “Termini Im”, janë regjistruar dy humbje jete nga Shkupi (86 vjeç) dhe Manastiri (65 vjeç), të cilët kanë humbur jetën në periudhën nga 15.09 dhe 28.09. 2022.

Numri i përgjithshëm i personave të diagnostikuar me COVID-19 në vendin tonë që nga fillimi i pandemisë është 343.208, numri i të shëruarve është 333.219, numri i atyre që humbën jetën është 9.542 dhe numri i rasteve aktive është 447.

Shpërndaje në rrjete sociale

Lajmet më të lexuara

Të ngjashme

Foto lajm